Projekt menaxher/ Inxhinier punishtes (inxhinier ndërtimi)

Kompania “2A GROUP”SH.P.K, me adresë: rr. Ali Pashë Tepelena, IVY Residence 1/14, Prishtinë shpall konkurs për pozitën:

2 Projekt menaxher (inxhinier ndërtimi në infrastrukturë)

Detyrat dhe përgjegjësitë:

• Përgatitja dhe menaxhimi i buxhetit të projektit;
• Përgatitja dhe menaxhimi i grafikut të punimeve dhe ndjekjen e ecurisë së tij;
• Koordinon punën me strukturat e kompanisë dhe të investitorëve që janë të angazhuara në këtë projekt;
• Ndjek realizimin e punimeve në përputhje me standardet e kompanisë
• Miraton raportin e përgjithshëm si dhe cost raportet mujore të projektit;
• Përpilimin e pjesës teknike të kontratave të sipërmarrjes duke përfshirë standardet e ndërtimit, specifikimet, planet e projektit;
• Punon me strukturat përkatëse për të përcaktuar dhe analizuar kostot e projektit;
• Përgatitjen e raporteve periodike në lidhje me ecurinë e projekteve;
• Përcakton nevojat për staf teknik, organizon punën dhe miraton detyrat për stafin në varësi direkte të tij;
• Menaxhon dhe kontrollon zbatimin e detyrave;
• Ndjek ecurinë dhe zhvillimin e tyre, siguron asistencë teknike, monitoron progresin e punës dhe bën vlerësimin e performancës;
• Përgatit vlerësimin e performancës për punonjësit që janë në varësi direkte të tij.

KUALIFIKIMET DHE AFTËSITË E KËRKUARA

Edukimi: Diplomë në Inxhinieri Ndërtimi (Infrastrukturë)
Eksperienca: Jo më pak se 10 vite përvojë si projekt menaxher.

Aftësitë:

• Aftësi shumë të mira menaxhuese, organizative, planifikuese, projektuese dhe komunikuese;
• Aftësi për të lexuar, analizuar dhe shpjeguar projektet, korrespondencat e biznesit, kontrata, procedurat dhe manualet teknike;
• Aftësi për të menaxhuar projekte dhe kontrata të ndryshme specifike që përfshihen në projekte ndërtimi;
• Aftësi për të prezantuar në mënyrë sa më efikase problematikat, komunikim i shkëlqyer me gojë dhe me shkrim, përgatitje raportesh etj.;
• Njohuri shumë të mira të gjuhës angleze (njohja e një gjuhe tjetër të komunitetit evropian do të përbente avantazh);
• Të ketë iniciative dhe fleksibilitet lidhur me orarin e punës;
• Principet dhe praktikat në përdorimin e programeve kompjuterike (CAD, EXEL, MS-PROJECT etj.).

4 Inxhinier të punishtes (inxhinier ndërtimi)

Detyrat dhe përgjegjësitë:

• Kontrollin e punimeve në përputhje me kontratat e sipërmarrjes, projektin, preventivin, specifikimet teknike dhe KTZ, dhe kushteve të sigurisë së shëndetit e jetës në punë;
• Kontrollin e përputhshmërisë së projekteve dhe detajeve, përfshirë rishikimin e detajeve dhe dhënien e zgjidhjeve teknike për zbatim, përfshirë detajimin konstruktiv dhe arkitektonik të elementëve të ndryshëm;
• Hartimin dhe ndjekjen e grafikut të punimeve sipas projektit dhe planit të organizimit;
• Përpilimin dhe kontrollin e të gjithë dokumentacionit tekniko ligjor në objekt, si proces-verbale, libreza masash, situacione, akte piketimi e kontrolli etj.;
• Kontrollin e cilësisë dhe çështjet e sigurisë në kantier, si dhe sigurohet se të gjitha rregullat po zbatohen sipas rregullores të menaxhim QA/QC dhe HSE si dhe rregullave në fuqi;
• Të kontrollojë firmat nënkontraktore dhe të marrë masa për të përmbushur kërkesat ligjore për sigurimin teknik në kantier;
• Aprovimin e materialeve që implementohen në kantier;
• Sigurimin e zbatimit të punimeve në përputhje me politiken e menaxhimit të cilësisë të kompanisë;
• Zbatimin me rigorozitet të kontratave të sipërmarrjes;
• Ndjekjen e zbatimit të cilësisë në procese të ndryshme teknologjike gjatë zbatimit të punimeve;
• Organizimin dhe Koordinimin me stafin në varësi (teknik, hidraulik , elektricist, gjeodet etj) për punime në kantier;
• Udhëheqjen e punimeve, planifikimin e fronteve të punës për procese dhe kontraktorë të ndryshëm, koordinimin e programit të punës midis kontraktorëve, aty ku puna e tyre ndërthuret në faza të caktuara;
• Evidentimin e nevojave për materiale,të makinerive dhe të fuqisë punëtore;
• Përgatitjen e raporteve ditore, javore me problematika dhe ecurinë përkatëse;
• Identifikimin, planifikimin dhe llogaritjen e volumeve, për zërat e preventivit dhe zërat e punimeve të reja ose të paparashikuara në preventiv;

KUALIFIKIMET DHE AFTËSITË E KËRKUARA

Edukimi: Diplomë universiteti në Inxhinieri Ndërtimi.
Eksperienca: Jo më pak se 3 vite përvojë pune në ndërtim

Aftësitë:

• Aftësi për të lexuar, analizuar dhe shpjeguar projektet, korrespondencat e biznesit, kontrata, procedurat dhe manualet teknike;
• Aftësi për të menaxhuar projekte dhe kontrata të ndryshme specifike që përfshihen në projekte ndërtimi;
• Aftësi për të prezantuar në mënyrë sa më efikase problematikat, komunikim i shkëlqyer verbal dhe me shkrim, përgatitje raportesh etj.;
• Të ketë iniciative dhe fleksibilitet lidhur me orarin e punës;
• Principet dhe praktikat në përdorimin e programeve kompjuterike (CAD, EXCEL, MS-PROJECT (ose PRIMAVERA) etj.);

 Të gjithë të interesuarit për këtë pozitë, mund t’i dërgojnë dokumentet në e-mail: [email protected]