HR Manager

POZITA:                    HR Manager

REFERENCA:          SX-26-021

QYTETI:                   Prishtinë

PAGA:                      1,200€

staffiX është kompani e specializuar në fushën e rekrutimit dhe përzgjedhjes së stafit. Për zhvillimin e veprimtarisë së klientit tonë në industrinë e Home Collection, jemi në kërkim të kandidatëve për pozitën Zyrtar/e i/e Burimeve Njerëzore. Personi i përzgjedhur do të jetë përgjegjës për proceset e rekrutimit, administrimin e dokumentacionit të punonjësve dhe mbështetjen e marrëdhënieve të punës.

PËRGJEGJËSITË:

• Realizimi i procesit të rekrutimit, duke përfshirë plotësimin e vendeve vakante, përzgjedhjen e aplikantëve dhe zhvillimin e intervistave.

• Administrimi dhe mirëmbajtja e kontratave të punës, dosjeve fizike, dokumentacionit dhe përfitimeve të punonjësve.

• Informimi i punonjësve aktualë dhe të rinj për politikat e kompanisë, detyrat, kushtet e punës, pagat, mundësitë për avancim dhe përfitimet.

• Menaxhimi i kërkesave për pushime të stafit dhe evidentimi i tyre në sistem.

• Ndërmjetësimi mes menaxhmentit dhe punonjësve, duke trajtuar kërkesat, shqetësimet dhe çështjet që lidhen me marrëdhëniet e punës.

• Trajtimi i mosmarrëveshjeve ndërmjet punonjësve dhe administrimi i procedurave disiplinore në përputhje me politikat e kompanisë dhe legjislacionin në fuqi.

KËRKESAT dhe AFTËSITË:

• Diplomë Bachelor në Juridik, Psikologji ose fushë ekuivalente

• Minimum 2 deri në 3 vite përvojë pune në burime njerëzore

• Aftësi të mira komunikimi, gjykimi dhe trajtimi të çështjeve të personelit

• Njohja e gjuhës angleze përbën përparësi

• Njohuri të avancuara të paketës Microsoft Office

• Patentë shoferi e vlefshme

OFERTA:

• Pagë 1,200€ neto

• Orari i punës, nga e hëna deri të shtunën, 09:00–17:00

• Laptop me pajisje përcjellëse

• Mbulim i shpenzimeve telefonike

• Sigurim shëndetësor

• Mbështetje për zhvillim të vazhdueshëm personal dhe profesional

• Mundësi për të punuar në një ekip bashkëpunues

APLIKIMI:

Nëse e vlerësoni se ju i posedoni aftësitë dhe kualifikimet e kërkuara më sipër, si dhe dëshironi të bëheni pjesë e ekipit të klientit, aplikoni deri më datën 08.11.2026. Kandidatët që përzgjedhen për listën e ngushtë do të ftohen në intervistë.