Trosha Sh.P.K.

Furrë e kafe. Shtyllat e rutinës tonë ditore. Për furrën as mos të flasim. Fakti që fjala "bukë" është sinonim për "ushqim" i thotë të gjitha. Në anën tjetër sa e sa kompani, firma, organizata, organizime politike, lidhje shoqërore, lidhje të dashurisë e bile edhe marrëveshje politike janë inicuar pas pirjes së disa makiatove e kafeve turke. Produktet nga brumi dhe kafenë i kemi oksigjen. E marrim një kifle me djath në një furrë diku afër shtëpisë dhe e ndajmë në kafeteri me shoqëri para se t'ia nisim punës. Kjo është rutina jonë. Është rutinë e mirë. Por ne jemi ata që i caktojmë rutinat tona. Ne jemi ata që i bëjmë ato edhe më të mira. Kur ndërtojmë rutina të reja, i prishim pak të vjetrat. Këtë po e bëjmë së bashku, veç kemi nisur. Nise edhe ti. Prishe pak.