KORPORATA RUGOVE, është kompani vendore me përvojë shumëvjeçare në industrinë e ushqimit, me brende të mirënjohura kosovare si Ujë Rugove dhe Djathë Rugove. Të gjithë të interesuarit që duan të jenë pjesë e Korporatës sonë, ftohen që të aplikojnë për 6 pozitat e hapura të punës në zyrën qendrore të Ujë Rugove në Shkabaj, Prishtinë. Pozitat e hapura janë:

 

KOMERCIALIST 

LIFERUES

VOZITËS KAT. C

MERÇENDAIZER 

PIRUNIST

NDIHMËS DEPOIST

 

KOMERCIALIST

• Organizon dhe kujdeset për punët komerciale në rajonin e caktuar paraprakisht.
• Viziton klientët dhe merr porositë e mallrave tek ata.
• Angazhohet në gjetjen e klientëve të rinj.
• Vlerësohet për arritjen e planit/targetit të shitjes për produktet e ujit, djathit dhe produkteve të tjera.
• Koordinon me logjistikën dhe liferuesit e mallit për realizimin e shitjes.

 

LIFERUES dhe VOZITËS me Kategori C

• Transporton mallrat e korporatës në territorin e Republikës së Kosovës.
• Është përgjegjës për mallrat gjatë transportimit të tyre.
• Në bazë të porosisë dërgon sasinë e porositur të produkteve në pikën e caktuar.
• Vozit automjetet e korporatës si dhe është përgjegjës për automjetet që i drejton. 
• Mirëmban automjetin si dhe respekton në mënyrë rigoroze Kodin Rrugor.

 

MERÇENDAIZER

• Siguron pozicionim sa më të mirë të produkteve nëpër markete.
• Mirëmban dhe pastron ekspozimin e produkteve të kompanisë nëpër rafte sipas standardeve.
• Kontrollon afatet e produkteve dhe stoqet.
• Ndihmon në realizimin e promovimeve të produkteve.
• Shpërndan material dhe rekuizita të ndryshme të marketingut sipas nevojës.

 

PIRUNIST

• Bën ngarkimin dhe shkarkimin e mallrave që gjenden në depo.
• Kujdeset për mos-dëmtimin e mallrave.
• Përgatit porositë e ditës së nesërme, si dhe
• Kryen detyra tjera në bazë të kërkesës së personit përgjegjës.

 

NDIHMËS DEPOIST

• Ngarkon mallrat nga kamionët, kombit dhe automjetet tjera për në depo dhe anasjelltas. 
• Rendit mallrat brenda në depo para dhe pas shkarkimit të tyre.
• Ndihmon depoistin të drejtojë e organizojë punën në depo.
• Si dhe bën punë të tjera që lidhen me pozitën e punës.
• Paga bruto është 350.00€ dhe me kontratë të rregullt pune.

 

KUALIFIKIMET DHE KËRKESAT

• E preferueshme të ketë përvojë pune të mëparshme në distribuim/shitje në pozitat e kërkuara në këtë konkurs.
• Patent shofer kategoria B.
• Për Vozitës edhe patent shofer kategoria C.
• Të jetë i gatshëm për punë ekipore.
• T’i përshtatet orarit fleksibil të punës.
• Të ketë qasje me përgjegjësi dhe përkushtim të lartë në punë.

 

ÇKA OFRON KORPORATA RUGOVE

• Ndërmarrje profesionale dhe dinamike.
• Ambient profesional dhe motivues.
• Kompensim sipas aftësive dhe rezultateve të arritura.
• Transport nga qyteti i Prishtinës për në Shkabaj.
• Mundësi të përparimit në karrierë.

 

SI TË APLIKOHET

Të interesuarat/it mund të dërgojnë CV-të e tyre në e-mail adresën hr@rugove.eu duke specifikuar pozitën për të cilën po aplikojnë. 

Afati i fundit për aplikim është data 22 gusht 2022, kurse vetëm kandidatet/ët që hyjnë në rrethin e ngushtë do të njoftohen përmes telefonit dhe do të ftohen në intervistë.

Korporata RUGOVE ofron mundësi të barabarta punësimi pa e diferencuar apo diskriminuar askënd dhe inkurajon të gjithë të dërgojnë CV-të e tyre.

Shpallja ka skaduar