Kontabilist dhe Administrator i Qendrës për Edukimin e të Rinjëve dhe të Rriturve në Pejë

Thirrje për aplikim për vendin e punës - Kontabilist dhe Administrator i Qendrës për Edukimin e të Rinjëve dhe të Rriturve në Pejë

Organizata gjermane me veprimtari në Kosovë, Institut für Internationale Zusammenarbeit des Deutschen Volkshochschul-Verbandes eV (DVV International), shpall thirrje të hapur për aplikim për vendin e punës: Kontabiliste dhe Administratore për Qendrën për Edukimin e të Rinjëve dhe te Rriturve në Pejë , e cila do të funksionojë në kuadër të OJQ-së - Këshilli për Veprim Rinor Lokal në Pejë (KVRL-Pejë) në objektin e Qendres Rinore-Pejë . Kontrata e punës do të jetë prej 01.07.2024 deri më 31.12.2024. Thirrja për aplikim mbetet e hapur nga dita e publikimit deri më 10.06.2024.

Orari i punës do të jetë 5 ditë në javë / 6 orë në ditë (120 orë në muaj) ndërsa paga mujore është 620.00 euro bruto.

Detyrat e pritura të punës për pozitën në fjalë janë:

Organizimi i takimeve/eventeve dhe menaxhimi i kalendarit për menaxherin e Qendrës për Edukimin e të Rinjëve dhe te Rriturve në Pejë;

Monitorimi i listave të pjesëmarrësve në trajnime/kurse dhe evente të tjera të organizuara nga (KVRL-Pejë);

Përgatitja e materialeve të punës për pjesëmarrësit, trajnerët, drejtuesit e kurseve, seminaret dhe administrimin (kopje, skedarë, mjete moderimi, pajisje teknike, etj.);

Kontrollimi dhe përpunimi i pagesave, si dhe monitorimi i përpunimit të transfereve

Mbajtja e shënimeve të pagesave, rrjedhës së parasë së gatshme dhe protokollit të inventarit të parasë së gatshme, dhe ofrimi i raporteve mujore të bilancit të parasë së gatshme për Drejtorin e OJQ-së KVRL-Pejë.

Përgatitja e të gjitha dokumenteve përkatëse për kontabilitetin financiar mujor dhe vjetor (lista e seminareve, listat e inventarit, certifikatat e transfereve, aprovimet, kontratat, etj.);

Përgatitja e raporteve financiare mujore dhe vjetore të Qendrës për Edukimin e të Rinjëve dhe te Rriturve në Pejë, përkatësisht OJQ- KVRL-Pejë;

Mbështetja e menaxherit të Qendrës për Edukimin e të Rinjëve dhe te Rriturve në Pejë në planifikimin vjetor të buxhetit dhe të gjitha detyrat e tjera të lidhura me projektin në fushën e planifikimit financiar dhe kontabilitetit;

Mirëmbajtja dhe përditësimi i ueb faqes dhe rrjeteve sociale të KVRL-Pejë;

Krijimi i artikujve në dy gjuhë për ueb faqen dhe rrjetet sociale (shqip dhe anglisht);

Menaxhimi, komunikimi dhe marrëdhëniet me median;

Përgatitja e konferencave për shtyp nëse është e nevojshme gjatë zbatimit të aktiviteteve së Qendrës për Edukimin e të Rinjëve dhe te Rriturve në Pejë

Detyrat e tjera që kanë të bëjnë me realizimin e projekteve/aktiviteteve brenda dhe jashtë vendit të Qendrës për Edukimin e të Rinjëve dhe te Rriturve në Pejë në përputhje me Drejtorin e OJQ-së KVRL-Pejë.

Dokumentet e kërkuara për aplikim;

CV personale (në anglisht) dhe letër referimi nga punëdhënësit e mëparshëm;

Diplomë universitare - të paktën niveli Bachelor;

Dëshmi pune për të paktën 3 vite përvojë në fushën e administratës dhe financave;

Zotërim i njohurive të dëshmuara për përvojën e tyre arsimore-edukative në komunitet;

Njohja e mirë e gjuhës shqipe dhe angleze është esenciale (njohja e gjuhëve të tjera zyrtare në Komunën e Pejës është avantazh).

Të gjithë kandidatët e interesuar për këtë pozitë janë të detyruar që fillimisht të dërgojnë një CV-të personale në gjuhën angleze, së bashku me një foto, me email në adresat: [email protected]; [email protected] dhe [email protected].

Pas analizimit dhe përzgjedhjes së CV-ve të pranuara, ne do të organizojmë intervista me të paktën tre aplikantë (të përzgjedhur për listën e ngushtë).

Të gjithë personat e ftuar për intervistë duhet të sjellin të gjithë dokumentacionin origjinal për të demonstruar kualifikimet e tyre dhe përvojën e mëparshme gjatë intervistave.