Trajner i brendshëm

Po kërkojmë një Trajner të Brendshëm energjik dhe me përvojë, i/e cili/a do të luajë një rol kyç në zhvillimin profesional të punonjësve tanë. 
Ky rol është thelbësor për të mbështetur rritjen e vazhdueshme të ekipeve tona dhe për të kontribuar në zhvillimin e stafit me potencial të lartë. 

Detyrat Kryesore 

• Analizon nevojat për trajnim dhe zhvillim në bashkëpunim me menaxhmentin dhe liderët e ekipeve. 

• Zbaton programe trajnimi dhe zhvillimi për role udhëheqëse dhe pozita kyçe në projekte. 

• Identifikon talentet e brendshme dhe i mbështet në rrugëtimin e tyre drejt roleve me më shumë përgjegjësi. 

• Mbështet zhvillimin profesional të punonjësve përmes mentoring-ut, coaching-ut dhe trajnimeve individuale. 

• Përgatit materiale, udhëzues dhe module trajnimi të përshtatura sipas objektivave të projekteve dhe nevojave të klientëve. 

• Zbaton metoda bashkëkohore të trajnimit, interaktive dhe praktike, për të rritur angazhimin dhe rezultatet e pjesëmarrësve. 

• Mat efektivitetin e trajnimeve përmes feedback-ut, analizave të performancës dhe indikatorëve të ndikimit. 

• Siguron zbatimin e standardeve të cilësisë dhe nxit një kulturë të përmirësimit të vazhdueshëm. 

• Bashkëpunon ngushtë me Departamentin e Cilësisë, Menaxhimin e Projekteve dhe Burimet Njerëzore për të siguruar përputhshmëri dhe koherencë në proceset e zhvillimit. 

Kualifikimet e Kërkuara 

• Përvojë e mëparshme si trajner, mentor apo lider ekipi në industrinë e shërbimeve ndaj klientit / call center / BPO. 

• Aftësi të shkëlqyera në komunikim, prezantim dhe ndërtim të marrëdhënieve profesionale. 

• Aftësi për të përshtatur përmbajtjen dhe stilin e trajnimit sipas grupeve të synuara dhe nivelit të përvojës. 

• Aftësi të forta analitike, organizative dhe fokus të lartë në rezultate. 

• Njohuri të mira të mjeteve digjitale për trajnime (MS Office, platforma e-learning, etj.). 

• Diplomë universitare në Biznes, Komunikim, Psikologji, Menaxhim ose fusha të ngjashme (përparësi). 

• Njohja e gjuhës angleze është e domosdoshme; njohja e gjuhës gjermane përbën avantazh. 

Çfarë Ofron Kompania 

• Mundësi të qarta për zhvillim profesional dhe ngritje në karrierë. 

• Ambient pune dinamik, bashkëpunues dhe me kulturë të fortë mësimi. 

• Trajnime të avancuara për zhvillim personal dhe profesional. 

• Paketë kompensimi konkurruese.