Gazetar për Ekonomi/Marketing

Telegrafi hap konkurs për Gazetar për Ekonomi/Marketing

Përtej botës së informimit të shqiptarëve anë e kënd botës dhe përçimit të lajmit në mënyrë të saktë e të shpejtë, Telegrafi është super-brendi shqiptar që në themelet e veta shquhet nga inovacioni dhe etja për t’u bërë pjesë e trendeve më bashkëkohore.

Si rrjedhojë, rëndësi të veçantë i kushtojmë suksesit të klientëve tanë të cilëve ua ofrojmë platformat më të fundit globale për promovimin e shërbimeve apo produkteve, si dhe për rritjen e shitjeve dhe fuqizimin e brendit.

Pas rritjes së kërkesës së bizneseve për t’u bërë lider në fushën digjitale përmes Telegrafit, departamenti jonë i Studios hap konkurs për një (1) pozita të reja –Gazetar për Ekonomi/Marketing.

Pozita: Gazetar për Ekonomi/Marketing (1)

Lokacioni: Prishtinë 

Detyrat dhe përgjegjësitë:

• Bashkëpunon me ekipin për të krijuar ide dhe koncepte për klientët
• Shkruan content të qartë, atraktiv dhe pa gabime drejtshkrimore për klientët
• Takohet me klientët për ta kuptuar mesazhin e tyre, zërin e brendit dhe audiencën e targetuar
• Propozon koncepte të artikujve për ta fuqizuar një kompani, për t’ia rritur imazhin apo për t’ia rritur shitjet dhe pastaj i implementon ato
• Bashkëpunon me klientët për t’i edituar dhe modifikuar artikujt në mënyrë që t’iu përshtatet kërkesave të tyre

Aftësitë dhe kualifikimet e kërkuara:

• Aftësi të shkëlqyeshme komunikimi në të shkruar të gjuhës shqipe
• Aftësi të shkëlqyeshme komunikimi të gjuhës angleze
• Minimum 1 vit përvojë pune në fushën e gazetarisë apo të marketingut
• Të ketë patentë shoferi të kategorisë B

Benefitet:

• Hapësirë moderne e punës e karakterizuar me teknologji të lartë
• Hapësirë për komunitetin me pije falas, lojëra e shumëçka tjetër
• Anëtarësim falas në palestër
• Mundësi për zhvillimin dhe ndërtimin e karrierës
• Voucher falas për analiza dhe diagnostikime shëndetësore
• Zbritje speciale në librarinë Dukagjini
• Mbulim të shpenzimeve telefonike (minuta, SMS e internet), etj.

Të interesuarit duhet të dërgojnë CV dhe Letër Motivuese përmes e-mailit: [email protected] duke e shkruar në “Subject” pozitën në të cilën po aplikojnë.

Kandidatët e përzgjedhur ftohen në intervistë