Fondi i Kosovës për Efiçiencë të Energjisë

Shpallje për vend të lirë pune

Pozita: Zyrtar/e Financiar/e

Organizata/njësia: FKEE/ Sektori i Financave

Lokacioni: Prishtinë, Republika e Kosovës

Data e shpalljes së konkursit: 01.11.2023

Data/ora e mbylljes: 15.11.2023, 16:00 (koha lokale)

Lloji dhe kohëzgjatja e kontratës: Kontratë pune me orar të plotë (40 orë në javë) për periudhë të caktuar kohore

Periudha provuese: 3 muaj

Kur pritet të fillojë marrëdhënia e punës: Brenda dy javësh pas në
nshkrimit të kontratës së punës

A) Rrethanat organizative

Me miratimin e Ligjit Nr. 06/L-079 për Efiçiencë të Energjisë (LEE), Fondi i Kosovës për Efiçiencë të Energjisë (FKEE) është themeluar si entitet i pavarur, autonom dhe i qëndrueshëm, në mbështetje të objektivave të politikës për Efiçiencë të Energjisë së Republikës së Kosovës, duke promovuar, mbështetur dhe zbatuar masat e efiçiencës së energjisë, si dhe duke tërhequr dhe menaxhuar burimet financiare në mënyrë që të financojë dhe zbatojë projekte investimesh në fushën e Efiçiencës së Energjisë në një mënyrë të qëndrueshme.

B) Roli dhe përgjegjësitë kryesore

Nën mbikëqyrjen e Udhëheqësit të Sektorit të Financave, Zyrtari per Financa është përgjegjës për të kryer detyrat e përditshme në lëminë e financave dhe raportimit bazuar në planin strategjik të FKEE, konform legjislacionit në fuqi, manualit të operimit dhe rregulloreve të brendshme të FKEE- së.

C) Detyrat dhe funksionet specifike si dhe rezultatet e pritshme kryesore

• Bën kontrollën dhe monitoron shpenzimet dhe sistemin e raportimit ne baza të rregullta kohore;
• Përpilon raportet financiare dhe raporton me kohë bazuar në rregulloret e brendshme dhe legjislacionin në fuqi në Kosovë dhe bazuar në standardet ndërkombëtare të raportimit financiar (SNRF);
• Kontrollon dhe vërteton saktësinë e të dhënave në raporte para dërgimit;
• Kontrollon në baza mujore rezultatet e dala nga raportet dhe përgatitë rekomandimet dhe përmirësimet e nevojshme nga analiza e bëra;
• Siguron ekzekutimin me kohë të pagesave dhe kompenzimeve tek furnitorët, kontraktorët dhe konsulentët, punëtorët e FKEE-së dhe përfituesit të tjerë, duke zbatuar kriteret e kontratave;
• Regjistron mirëfilli të gjitha dokumentet financiare për shpenzime, si kopjet e kontratave, faturat, dokumentet e pranimit dhe aprovimit, evidenca të tjera përcjellëse, produktet e dorëzueshme, si dhe raportet për të gjitha shpenzimet;
• Asiston Udhëheqësin e Sektorit në përpilimin e inputeve për menaxhimin financiar që kontribuon në raportin e progresit të projekteve dhe përgatitjen e buxhetit vjetor të FKEE-së;
• Mbështetë Udhëheqësin e Sektorit të Financave në proceset e përmbylljes mujore dhe vjetore të raporteve të FKEE;
• Mbështetë Udhëheqësin e Sektorit të Financave në përgatitjen e pasqyrave të nevojshme financiare, dhe raporte të tjera;
• Përgatitë dhe analizon raporte tjera financiare për Sektorin e Financave dhe Menaxhmentin;
• Detyra të tjera të përcaktuara nga mbikqyrësi dhe Menaxhmenti i FKEE-së.
• D) Kualifikimet, përvoja dhe aftësitë profesionale dhe gjuhësore
• Të ketë diplomë universitare në degën e ekonomisë, financave, kontabilitetit ose të ngjashme;
• Të ketë 5 vite përvojë pune të përgjithshme, prej të cilave së paku 3 vite përvojë profesionale relavante ose të ngjashme me pozitën e shpallur;
• Të posedojë njohuri të mira të Standardeve Ndërkombëtare të Raportimit Financiar;
• Të ketë njohuri të mira rreth kuadrit ligjor dhe operimit financiar të FKEE dhe interes për zhvillimin e sistemit të kontabilitetit dhe financave;
• Njohuri të vlerësimit dhe përdorimit të aplikacioneve të nevojshme kompjuterike;
• Të ketë aftësi të forta komunikuese, për të punuar si pjesë ekipi dhe nën presionin e përmbushjes së afateve;
• Aftësi për të punuar nën presionin e përmbushjes së afateve;
• Të ketë njohuri të mira të gjuhës angleze;
• E preferueshme leja e vozitjes kategoria B;
• Nuk është dënuar me aktgjykim të formës së prerë për një vepër penale për të cilën dënimi maksimal tejkalon gjashtë (6) muaj burgim dhe dënimi nuk është i kushtëzuar; (evidencat nuk duhet të jenë më të vjetra se data e shpalljes së vendit të punës sipas këtij njoftimi).
   

E) Shpërblimi – Paga mujore

• Sistemi i pagave: Shpërblimi bëhet sipas pakos konkurruese në përputhje me Rregulloren e Brendshme për Shpërblimin e Personelit të FKEE (R-OBPSh).

F) Të dhëna tjera

• FKEE nuk është organizatë buxhetore, marrëdhënia e punës themelohet sipas Ligjit të Punës. Për më shumë detaje rreth FKEE: https://fkee-rks.net/

 

1. Përmbajtja e dokumenteve të aplikimit

Dokumentet e aplikimit duhet të përmbajnë së paku:

1. Kopja e dokumentit përkatës që dëshmon shtetësinë;
2. CV-në e hollësishme të aplikuesit;
3. Letrën e motivimit përfshirë synimet e aplikuesit për punën gjatë kohës së angazhimit ne FKEE (jo më shumë se 3 (tri) faqe;
4. Kopje të diplomës (diplomave) për studimet e mbaruara universitare, përfshirë dëshminë e njohjes së diplomës (nëse studimet janë kryer jashtë vendit);
5. Kopje të dëshmisë se nuk ka qenë i dënuar (shiko kushtet e hollësishme në Seksionin D më lart);

 

Dokumentet e aplikimit mund të përgatiten në secilën prej tre (3) gjuhëve: shqip, serbisht ose anglisht.

Kopjet e çfarëdo dëshmie që tregon për kualifikimet, përvojën dhe aftësitë gjuhësore të aplikuesve janë të mirëseardhura.

 

2. Dorëzimi i aplikacioneve

Aplikimet, përfshirë të gjitha dokumentet e kërkuara, dorëzohen në rekrutimi@fkee-rks.net deri më

 

15 Nëntor 2023, ora 16.00.

Aplikacionet që nuk i kanë të gjitha dokumentet e parapara (1-5 më lart) nuk do të merren parasysh nga komisioni vlerësues.

Shpallja ka skaduar